101. புவியில் வளைகுடா விரிகுடாவில் இருந்து எப்படி வேறுபடுகிறது?

விடை: வளைகுடாவின் அளவு மற்றும் ஆழத்தின் அடிப்படையில் விரிகுடாவிலிருந்து வேறுபடுகிறது.

 

 

நீர்சந்தி (Strait)
102. நீர்சந்தி என்பது இரண்டு பெருங்கடல்களை இணைக்கின்ற குறுகிய நீர்வழியாகும்.

102. புவியில் நீர்சந்தி என்பது?

விடை: இரண்டு பெருங்கடல்களை இணைக்கின்ற குறுகிய நீர்வழியாகும்.

 

 

103. மன்னார் வளைகுடாவையும், வங்காள விரிகுடாவையும் இணைக்கும் சந்தி எது?

விடை: பாக் நீர்சந்தி

 

 

104. புவியில் நிலசந்தி (Isthmus) என்பது?

விடை: குறுகலான ஒரு நிலப்பகுதி இரண்டு மிகப்பெரிய நிலப்பகுதிகளை இணைக்குமானால் அது நிலசந்தி (Isthmus) என அழைக்கப்படுகிறது.

 

 

105. ஆப்பிரிக்கா கண்டத்தையும் ஆசியா கண்டத்தையும் இணைக்கும் சந்தி எது?

விடை: சூயஸ் நிலசந்தி

 

 

சூழப்பட்ட கடல் (Enclosed sea)
106. புவியில் சூழப்பட்ட கடல் என்பது?

விடை: கண்டங்களின் உட்புறம் அமைந்து, பிற பெருங்கடலுடன் நீர் சந்தியால் இணைக்கப்பட்டுள்ள கடலை குறிக்கும்.

 

 

107. புவியில் சூழப்பட்ட கடலுக்கு சிறந்த எடுத்துக்காட்டு?

விடை: மத்திய தரைக்கடல்

 

 

108. புவியில் பகுதி சூழப்பட்ட கடல் (partially enclosed sea) என்பது?

விடை : பெருங்கடலுடன் ஒரு புறம் நிலத்தால் சூழப்பட்டு மிகப்பெரிய திறப்புடன் கூடிய கடல் பகுதியாகும்.

 

 

109. புவியில் பகுதி சூழப்பட்ட கடல் எந்த அம்சங்களை பெற்றிருக்கும்?

விடை: அடுத்துள்ள பெருங்கடலின் அனைத்து அம்சங்களையும் பெற்றிருக்கும்.

 

 

110. புவியில் பகுதி சூழப்பட்ட கடல் எப்படி காணப்படும்?

விடை: ஒரு பகுதி மூடப்பட்டுள்ள கடலுக்கும், பெருங்கடலுக்கும் இடையே ஒரு தீவுத் தொடர் காணப்படும்.

 

 

111. புவியில் பகுதி சூழப்பட்ட கடலுக்கு சிறந்த உதாரணம்?

விடை: கரீபியன் கடல்

 

 

112. புவியில் நிலத்தால் சூழப்பட்ட கடல் என்பது?

விடை: இயற்கையான எந்த வித திறப்பும் இல்லாமல் அனைத்துப் பக்கங்களிலும் நிலத்தால் சூழப்பட்டு காணப்படுகிறது.

 

 

113. புவியில் நிலத்தால் சூழப்பட்ட கடல் எப்படி இருக்கும்?

விடை: மிக அதிகமான உவர்ப்பியம் கொண்டுள்ள ஏரிகளாகும்.

 

 

114. புவியில் நிலத்தால் சூழப்பட்ட கடலுக்கு சிறந்த உதாரணங்கள் எவை?

விடை: சாக்கடலும், காஸ்பியன் கடலும் ஆகும்.

 

 

115. சாக்கடலிலும், காஸ்பியன் கடலிலும் முறையே கலக்கும் ஆறுகள் எவை?

விடை: ஜோர்டான் ஆறும், வோல்கா ஆறும் கலக்கிறது.

 

 

116. புவியில் ஃபியர்டு கடற்கரை என்பது?

விடை: பனியாற்றால் உருவான U வடிவ செங்குத்துச் சரிவுப்பள்ளத்தாக்கு கடல் நீரில் பகுதியாக மூழ்கியிருப்பதாகும்.

 

 

117. புவியில் ஃபியர்டு கடற்கரைக்கு எடுத்துக்காட்டு?

விடை: சோனேஃபியர்டு (203 கி.மீ)

 

 

118. சோனேஃபியர்டு கடற்கரை எங்கு அமைந்துள்ளது?

விடை: நார்வே நாட்டில் அமைந்துள்ளது.

 

 

119. புவியில் ரியா கடற்கரை என்பது?

விடை: ஆற்றால் உருவாக்கப்பட்ட V வடிவ மென்சரிவுப் பள்ளத்தாக்கு கடல் நீரில் பகுதியாக மூழ்கியிருப்பதாகும்.

 

 

120. புவியில் ரியா கடற்கரைக்குச் சிறந்த உதாரணம் எது?

விடை: சிட்டினியில் உள்ள ஜார்ஜ் நதியால் உருவாக்கப்பட்டுள்ள கடற்கரை ஆகும்.

 

 

5.6 உலகின் பெருங்கடல்கள்
1. பசிபிக் பெருங்கடல்
121. உலகப் பெருங்கடல்களில் மிகப் பெரியது?

விடை: பசிபிக் பெருங்கடலாகும்.

 

 

122. பசிபிக் பெருங்கடலின் அளவு எப்படி இருக்கும்?

விடை: உலக கண்டங்கள் அனைத்தையும் ஒன்றிணைத்து உருவாகும் பரப்பைக் காட்டிலும் பசிபிக் பெருங்கடல் அளவில் பெரியதாகும்.

 

 

123. பெர்டிணாண்ட் மெகல்லன் என்பவர்?

விடை: போர்ச்சுகல் நாட்டு கடல்வழி ஆய்வுப் பணியாளார்.

 

 

124. பசிபிக் பெருங்கடலுக்கு பெயரிட்டவர் யார்?

விடை: பெர்டிணாண்ட் மெகல்லன்

 

 

125. பெர்டிணாண்ட் மெகல்லன் பசிபிக் பெருங்கடலுக்கு எந்த ஆண்டு பெயரிட்டார்?

விடை: 1521ம் ஆண்டு

 

 

126. பசிபிக் பெருங்கடலின் பொருள்?

விடை: அமைதியான பெருங்கடல்

 

 

127. பெர்டிணாண்ட் மெகல்லன் பசிபிக் பெருங்கடலை எந்த கடலோடு ஒப்பிட்டு பசிபிக் பெருங்கடல் என்ற பெயரை சூட்டினார்?

விடை: சூறாவளிகள் நிறைந்த அட்லாண்டிக் பெருங்கடலை பெர்டிணாண்ட் மெகல்லன் பசிபிக் பெருங்கடலுடன் ஒப்பிட்டு பசிபிக் பெருங்கடல் என்ற பெயரை சூட்டினார்.

 

128. பசிபிக் பெருங்கடலின் சராசரி ஆழம்?

விடை: 4280 மீட்டர்.

 

 

2. அட்லாண்டிக் பெருங்கடல்
129. உலகின் இரண்டாவது பெரிய பெருங்கடல்?

விடை: அட்லாண்டிக் பெருங்கடல்

 

 

130. அட்லாண்டிக் பெருங்கடல் யாருடைய பெயரால் அழைக்கப்படுகிறது?

விடை: கிரேக்க புராணங்களில் வரும் அட்லஸ் என்பவரின் பெயரால் அழைக்கப்படுகிறது.

 

 

131. அட்லாண்டிக் கடலானது ஏப்படி உருவானது?

விடை: உலகின் பெருங்கண்டமான பாஞ்சியா கண்டம் உடைந்து உருவானதாகும்.

 

 

3. இந்தியப் பெருங்கடல்
132. உலகின் மூன்றாவது பெரிய பெருங்கடல் எது?

விடை: இந்தியப் பெருங்கடல்

 

 

133. இந்தியப் பெருங்கடல் என பெயர் பெற காரணம்?

விடை: இந்திய நாட்டை அடுத்துள்ளதால் இந்தியப் பெருங்கடல் என பெயர் பெற்றது.

 

 

134. அட்லாண்டிக் மற்றும் பசிபிக் பெருங்கடல்களில் வாணிபம் நடைபெறுவதற்கு முன்பே இந்தியப் பெருங்கடல் பகுதியில் வாணிபத்தை ஊக்கப்படுத்தியதற்கான காரணம்?

விடை: இந்தியப் பெருங்கடலின் அமைதியான திறந்த வெளி நீர் ஆகும்.

 

 

4. தென் பெருங்கடல் (அண்டார்டிக் பெருங்கடல்)
135. தென் பெருங்கடலின் வேறு பெயர்?

விடை: அண்டார்டிக் பெருங்கடல்

 

 

136. உலகின் நான்காவது பெரிய பெருங்கடல்?

விடை: தென் பெருங்கடல்

 

 

137. உலகின் பெருங்கடல்களில் சமீபத்தில் தோன்றியது?

விடை: தென் பெருங்கடல்.

 

 

138. தென் பெருங்கடல் எப்படி உருவானது?

விடை: 30 மில்லியன் வருடங்களுக்கு முன்னர் அண்டார்டிக்கா கண்டத்திலிருந்து தென் அமெரிக்கா கண்டம் விடுபட்டு நகர்ந்ததால் உருவானது பிறகு டேரேக் இடைவெளியும் தோன்றியது.

 

 

139. தென் பெருங்கடலின் எல்லை எங்கு காணப்படுகிறது?

விடை: அண்டார்டிக் பெருங்கடலின் மிக குளிர்ச்சியான நீரும், வெதுவெதுப்பான துணை அண்டார்டிக் நீரும் கலக்கும் இடத்தில் தென் பெருங்கடலின் எல்லை காணப்படுகிறது.

 

 

140. கோடைக்காலத்தில் புவியின் தென் கோளத்தில் தென் பெருங்கடலின் பாதிப்பகுதி எதனால் மூடப்பட்டிருக்கிறது?

விடை: பனிப்படலம் மற்றும் பனிப் பாறைகளால் மூடப்பட்டிருக்கிறது.

 

 

5.ஆர்டிக் பெருங்கடல்
141. ஆர்டிக் பெருங்கடல் மற்ற நான்கு பெருங்கடல்களைக் காட்டிலும் எப்படி உள்ளது?

விடை: ஆழமற்ற மிகவும் சிறிய கடலாகும்.

 

 

142. ஆர்டிக் பெருங்கடல் முழுவதுமாக எதனால் சூழப்பட்டுள்ளது?

விடை: யுரேஷியா மற்றும் வட அமெரிக்காவால் சூழப்பட்டுள்ளது.

 

 

143. குளிர்காலத்தில் ஆர்டிக் பெருங்கடல் முழுவதும் எப்படி காணப்படுகிறது?

விடை: பனி உறைந்து காணப்படுகிறது.

 

 

144. ஆர்டிக் பெருங்கடலின் மேற்பரப்பு வெப்பநிலையும் உவர்ப்பியமும் எதனால் மாறுபடுகிறது?

விடை: பருவ காலத்திற்கேற்ப பனி உருகுவதாலும், உறைவதாலும் மாறுபடுகிறது.

 

 

145. ஐம்பெருங்கடல்களுள் உவர்ப்பியம் மிகக்குறைவாக உள்ள கடல்?

விடை: ஆர்டிக் பெருங்கடல்

 

 

146. ஆர்டிக் பெருங்கடலை பசிபிக் பெருங்கடலோடு இணைக்கும் சந்தி எது?

விடை: பேரிங் நீர்சந்தி

 

 

147. ஆர்டிக் பெருங்கடலை அட்லாண்டிக் பெருங்கடலோடு இணைக்கும் கடல்கள் எவை?

விடை: கிரீன்லாந்து கடல் மற்றும் லாபரடார் கடல்

 

 

148. ஆர்டிக் பெருங்கடலின் ஆழமானப் பகுதி?

விடை: லிட்கீ (Litke)

 

 

149. ஆர்டிக் பெருங்கடலின் ஆழமானப் பகுதியான லிட்கீ (Litke) எங்கு காணப்படுகிறது?

விடை: ஐரோப்பிய ஆழ்கடல் கொப்பரையில் காணப்படுகிறது.

 

 

150. ஆர்டிக் பெருங்கடலின் ஆழமானப் பகுதியான லிட்கீயின் ஆழம்?

விடை: 5,450 மீட்டர் ஆகும்.

 

 

5.7 கடல்சார் மண்டலம்
151. புவியின் கடல்சார் மண்டலங்களை வகைப்படுத்துவதற்கு உதவும் வரையறை எது?

விடை: தாழ் ஓதத்தின் அடிப்படை எல்லை கோடு

 

 

152. ஒரு நாட்டின் பிராந்திய கடல் என்பது?

விடை: தாழ் ஓத எல்லை கோட்டிலிருந்து 12 கடல் மைல் வரை (12 Nautical miles / 22.2 கி.மீ) ஒரு நாட்டின் பிராந்திய கடல் எனப்படும்.

 

 

153. ஒரு நாட்டுக்கு முழு அதிகாரம் உள்ள கடல்நீர் பகுதி எது?

விடை: பிராந்திய கடல் நீர் பகுதி ஆகும்.

 

 

154. புவியில் தொடர்ச்சியான கடல் என்பது?

விடை: அடிப்படை எல்லை கோட்டிலிருந்து 24 கடல் மைல் (44.4 கி.மீ) தொலைவும் பிரதேச கடல் பகுதிக்கு வெளியிலும் காணப்படும் நீர் பகுதி தொடர்ச்சியான கடல் எனப்படும்.

 

 

155. தனித்த பொருளாதார மண்டலம் (Exclusive Economic Zone) என்பது?

விடை : அடிப்படை எல்லைக் கோட்டிலிருந்து 200 கடல் மைல்கள் (370.4 கி.மீ) வரை காணப்படுகிறது.

 

 

156. சிறப்பு பொருளாதார மண்டலத்தில் முழு அதிகாரம் யாருக்கு உண்டு?

விடை: ஒரு கடற்கரையோர நாட்டுக்கு உண்டு.

 

 

157. தனித்த பொருளாதார மண்டலத்தின் அதிகாரங்கள் எவை?

விடை: தனித்த பொருளாதார மண்டலமானது மீன்பிடித்தல், சுரங்கங்கள் பராமரிப்பு, எண்ணெய்க் கிணறு தோண்டுதல் போன்ற பொருளாதார வளங்களைப் பயன்படுத்திக் கொள்ளவும் உற்பத்தி செய்யவும் அதிகாரம் கொண்டுள்ளது.

 

 

158. தனித்த பொருளாதார மண்டலத்தைத் தாண்டியுள்ள கடல்பகுதி எவ்வாறு அழைக்கப்படுகிறது?

விடை: பன்னாட்டு கடல்பகுதி அல்லது வெளிக்கடல்.

 

 

159. எந்தவொரு நாட்டிற்கும் இறையாண்மையும் பிற அதிகாரங்களும் இல்லாத கடல் பகுதி எது?

விடை: பன்னாட்டு கடல்பகுதி

 

 

5.8 கடலடி நிலத்தோற்றங்கள்
160. புவியின் கடலடி பரப்பு எப்படி காணப்படுகிறது?

விடை: புவியின் மேற்பரப்பில் உள்ள நிலத்தோற்றங்களை போலவே கடலடி பரப்பிலும் பலவகையான நிலத்தோற்றங்கள் காணப்படுகின்றன. கடலடி பரப்பில் உயரமான மலைகளும் ஆழமான பள்ளங்களும் சமவெளிகளும் கொப்பரைகளும் மற்றும் எரிமலைகளும் காணப்படுகின்றன.

 

 

161. புவியின் கடலடி நிலத்தோற்றங்கள் எதன் உதவியுடன் விளக்கி காட்டப்படுகின்றன?

விடை: நிலத்தோற்ற விளக்கப்படம் அல்லது உயர விளக்கப்படம் (Hypsometric Curve or Hypsographic Curve) உதவியுடன் விளக்கிக் காட்டப்படுகின்றன.

 

 

162. புவியின் நிலத்தோற்ற விளக்கப்படம் என்பது?

விடை: கடல் மட்டத்திற்கு மேல் அல்லது கீழ் காணப்படும் நிலத்தோற்ற அமைப்பை வரைந்து காட்டும் கோட்டுப்படமாகும்.

 

 

கண்டத்திட்டு (Continental Shelf)
163. புவியின் கண்டத்திட்டுகள் என்பது?

விடை: கடற்கரையிலிருந்து கடலைநோக்கி காணப்படும் நீரில் மூழ்கியுள்ள கண்டங்களின் விளிம்பு பகுதிகள் கண்டத்திட்டுகள் எனப்படுகின்றன.

 

 

164. புவியின் கண்டத்திட்டுகள் கடலின் தரைப்பகுதியில் எத்தனை சதவீதத்தைக் கொண்டுள்ளது?

விடை: 7 சதவீதத்தைக் கொண்டுள்ளது.

 

 

165. புவியில் கண்டத்திட்டுகளின் ஆழம்?

விடை: மென்சரிவுடன் சராசரியாக 200 மீட்டர் ஆழம் வரை காணப்படுகிறது.

 

 

166. புவியில் கண்டத்திட்டுகளின் அகலம் எப்படி மாறுபடுகிறது?

விடை: இடத்திற்கு இடம் மாறுபடுகிறது.

 

 

167. புவியில் கண்டத்திட்டுகளின் அகலம் மாறுவதற்கான காரணம்?

விடை: கடற்கரையோரப் பாறைகளின் தன்மைக்கேற்ப கண்டத்திட்டின் அகலம் வேறுபடுகிறது.

 

 

168. புவியில் கண்டத்திட்டுப் பகுதியின் அகலம் எதைப் பொறுத்து மாறுகிறது?

விடை: புவியின் மேற்பரப்பாக இருந்தால் குறுகியதாகவும் இல்லையென்றால் அகலமானதாகவும் இருக்கும்.

 

 

169. புவியில் கண்டத்திட்டுகளை உருவாக்குபவை எவை?

ஆறுகளின் படிவுகள், கடல் அரிப்பு, கண்ட அசைவுகள், கடந்த காலங்களில் கடல் மட்டத்தில் ஏற்பட்ட மாற்றங்கள் போன்ற ஒன்று அல்லது ஒன்றுக்கு மேற்பட்ட காரணிகள் இணைந்து கண்டத்திட்டுகளை உருவாக்குகின்றன.

 

 

170. புவியில் கண்டத்திட்டுகள் எந்த வளங்களுக்கு பெயர் பெற்றவை ஆகும்?

விடை: எண்ணெய் இயற்கை எரிவாயு, கனிம வளப்படிவுகள் மற்றும் பவளப்பாறைகள் போன்ற வளங்களுக்குப் பெயர் பெற்றவையாகும்.

 

 

171. கிராண்ட் திட்டு போன்ற உலகப் புகழ்பெற்ற மீன்பிடித்தளங்கள் எந்தப் பகுதியில் அமைந்துள்ளன?

விடை: புவியின் கண்டத்திட்டுப் பகுதியில் அமைந்துள்ளன.

 

 

172. உலகின் அகலமான கண்டத்திட்டு பகுதி இங்கு காணப்படுகிறது?

விடை: இரஷ்யாவின் சைபீரியா கடற்கரையை (1210 கி.மீ) ஒட்டி காணப்படுகிறது.

 

 

173. இந்தியாவின் கிழக்கு கடற்கரையில் காணப்படும் கண்டத்திட்டு எதனால் ஏற்பட்டவையாகும்?

விடை: கங்கை, கோதாவரி, கிருஷ்ணா மற்றும் காவிரி ஆறுகளால் உருவாக்கப்பட்ட டெல்டாவால் ஏற்பட்டவையாகும்.

 

 

174. இந்தியாவின் மேற்கு கடற்கரையில் காணப்படும் கண்டத்திட்டுகள் எதனால் ஏற்பட்டவையாகும்?

விடை: பிளவுகளாலும் அதன் விளைவால் நிலம் நீரில் மூழ்கியதாலும் ஏற்பட்டவைகளாகும்.

 

 

கண்டச்சரிவு (Continental Slope)
175. புவியில் கண்டச் சரிவு என்பது?

விடை: கண்டத்திட்டு பகுதியிலிருந்து ஆழ்கடல் நோக்கி சரியும் கடல் பகுதியை கண்டச் சரிவு என்கிறோம்.

 

 

176. புவியில் கண்டச் சரிவு கோணம்?

விடை: 50 லிருந்து 600 வரை காணப்படுகிறது.

 

 

177. புவியில் கண்டச்சரிவு கடலடி மொத்த தரைப் பரப்பில் எத்தனை சதவீதம் காணப்படுகிறது?

விடை: 9%

 

 

178. புவியில் கண்டச் சரிவுப் பகுதி எப்படி காணப்படுகிறது?

விடை: கண்டச் சரிவுப் பகுதியில் நிலச்சரிவு, கலங்கலான நீரோட்டங்கள், படிவுகளின் குவியல்கள், அகழிகள், ஆறுகளாலும் நீரோட்டங்களாலும் உருவாகிய மடுக்கள் ஆகியவை காணப்படுகின்றன.

 

 

179. புவியில் கண்டத்திட்டுகளில் உள்ள படிவுகள் எங்கு விழுகின்றன?

விடை: திடீரென்று கண்டச் சரிவுகளில் விழுகின்றன.

 

 

180. புவியில் கண்டச் சரிவுகள் எப்படி உருவாகின்றன?

விடை: பொதுவாக கண்டச் சரிவுகள் நிலப்பகுதி அரித்தல், கண்ட பலகைகள் நகர்தல் மற்றும் பூமியின் சமமாக்கும் செயல்களினால் உருவாகின்றன என நம்பப்படுகிறது.

 

 

கண்ட உயர்ச்சி (Continental Rise)
181. புவியில் கண்ட உயர்ச்சி என்பது?

விடை: கண்டச் சரிவுக்கும் கடலடிப் பரப்புக்கும் இடைப்பட்ட சற்று உயரமான பகுதி கண்ட உயர்ச்சியாகும்.

 

 

182. புவியில் கண்ட உயர்ச்சி பகுதியில் காணப்படும் படிவுகள் எதை ஒத்திருக்கின்றன?

விடை: நிலத்தின் மீது ஆறுகளால் உருவாகும் வண்டல் விசிறிகளை ஒத்திருக்கின்றன.

 

 

183. புவியில் கண்டத்தின் எல்லையைக் கடலடி சமவெளியிலிருந்து பிரிக்கும் இறுதி பகுதி எது?

விடை: கண்ட உயர்ச்சி பகுதி

 

 

184. புவியில் கண்ட உயர்ச்சி பகுதி மொத்தக் கடலடித் தரைப்பரப்பில் எத்தனை சதவீதம் ஆகும்?

விடை: 5%

 

 

கடலடிச் சமவெளி (Abyssal Plain)
185. புவியின் கடலடி நிலப்பரப்பில் மிகவும் பரந்து காணப்படும் பகுதி எது?

விடை: கடலடிச் சமவெளி பகுதி மிகவும் பரந்து காணப்படுகிறது.

 

 

186. புவியின் கடலடிச் சமவெளி மொத்த கடலடி பரப்பில் எத்தனை சதவீதம் காணப்படுகிறது?

விடை: 50 சதவீதத்திற்கு மேல் காணப்படுகிறது.

 

 

187. புவியின் கடலடிச் சமவெளி இடத்தில் காணப்படும் படிவுகள்?

விடை: மிகவும் மென்மையான படிவுகள் படிந்து காணப்படுகிறது.

 

 

188. புவியின் கடலடி சமவெளியில் உள்ள மென்மையான படிவுகள் எந்த கலவையினால் உருவானவை ஆகும்?

விடை: களிமண் துகள்களாலும், கடல் நுண்ணுயிரிகளாலும் ஆன கலவையாகும்.

 

 

189. கடந்த காலத்தின் புவி அமைப்பியல் நிகழ்வுகளை அறிந்து கொள்ள பயன்படுவது?

விடை: படிவுப் பாறைகளின் ஆய்வுகள்

 

 

190. புவியின் கடலடி நிலத்தோற்றங்களைப் பற்றி அறிந்து கொள்ள பயன்படுவது?

விடை: கடலடி சமவெளியில் உள்ள மென்மையான படிவுகள் பயன்படுகின்றன.

 

 

மத்திய கடலடி மலைத்தொடர்கள் (Mid Oceanic Ridges)
191. புவியில் மத்திய கடலடி மலைத் தொடர்கள் என்பது?

விடை: கடலுக்கு அடியில் காணப்படும் மலைகளைக் குறிக்கும்.

 

 

192. புவியில் மத்திய கடலடி மலைத் தொடர்கள் தொடர்ச்சியாக இணைந்து எப்படி காணப்படுகிறது?

விடை: ஒரு உலகளாவிய கடலடி மலைத்தொடராக காணப்படுகிறது.

 

 

193. புவியில் மத்திய கடலடி மலைத் தொடர்கள் எதனால் உருவாகின்றன?

விடை: புவிக்குள் ஏற்படும் கண்ட நகர்வுச்சக்திகளால் உருவாகின்றன. விலகும் புவித் தட்டு எல்லையின் விரிசல் வழியாக மாக்மா வெளியேறி புதிய கடல் மேலோட்டை உருவாகும் இடத்தில் மத்திய கடலடி மலைத் தொடர்கள் உருவாகின்றன.

 

 

194. புவியில் கடலடி மலைத் தொடர்களின் நீளம் மற்றும் அகலம்?

விடை: 56,000 கி.மீ மற்றும் 800 முதல் 1,500 கி.மீ

 

 

195. உலகின் மிக நீளமான மலைத்தொடர் எது?

விடை: கடலடி மலைத்தொடர்கள்.

 

 

அகழி (Trench)
196. புவியில் அகழி என்பது?

விடை: கடலடிச் சமவெளியின் அடிப்பகுதிகளில் ஏற்படும் புவித் தட்டு நகர்வு சக்தியால் உருவாகும் மிக நீளமான குறுகிய செங்குத்துச் சரிவுடைய ஆழமான பகுதியாகும்.

 

 

197. புவியில் அகழியின் ஆழம்?

விடை: கடலடிச் சமவெளியிலிருந்து 3 முதல் 4 கி.மீ. வரை ஆழம் கொண்டுள்ளது.

 

 

198. உலகில் எத்தனை அகழிகள் உள்ளன?

விடை: 26

 

 

199. அட்லாண்டிக் பெருங்கடலில் எத்தனை அகழிகள் உள்ளன?

விடை: 3

 

 

200. இந்திய பெருங்கடலில் எத்தனை அகழி உள்ளன?

விடை: 1