201. பசிபிக் பெருங்கடலில் எத்தனை அகழிகள் உள்ளன?
விடை: 22
202. உலகிலேயே ஆழமான கடல் பகுதி எது?
விடை: மரியானா அகழியில் காணப்படும் சேலஞ்சர் பள்ளம்
203. மரியானா அகழியில் காணப்படும் சேலஞ்சர் பள்ளம் எந்தக் கடலில் உள்ளது?
விடை: வட பசிபிக் பெருங்கடலில் உள்ளது.
204. மரியானா அகழியில் காணப்படும் சேலஞ்சர் பள்ளத்தின் ஆழம்?
விடை: 10,994 மீட்டர்
205. புவியில் அகழி எப்படி உருவாகிறது?
விடை: குவியும் எல்லை (Convergent boundary) பகுதியில் ஒரு புவித் தட்டின் கீழ் மற்றொரு புவித் தட்டு அமிழ்வதால் அகழி உருவாகிறது.
உலகின் முக்கிய ஆழ்கடல் பகுதிகள்
206. ஆல்ரிக் அகழியின் வேறு பெயர்?
விடை: டோங்கா அகழி
207. ஆல்ரிக் அகழி எந்த கடலில் அமைந்துள்ளது?
விடை: தென் பசிபிக் பெருங்கடலில் அமைந்துள்ளது
208. ஆல்ரிக் அகழியின் ஆழம்?
விடை: 10,882 மீ
209. குரில் அகழி எந்த கடலில் அமைந்துள்ளது?
விடை: வட பசிபிக் பெருங்கடலில் அமைந்துள்ளது
210. குரில் அகழியின் ஆழம்?
விடை: 10,554 மீ
211. டிசார் ரோமான்ச் அகழி எந்த கடலில் அமைந்துள்ளது?
விடை: தென் அட்லாண்டிக் பெருங்கடலில் அமைந்துள்ளது.
212. டிசார் ரோமான்ச் அகழியின் ஆழம்?
விடை: 7,761 மீ
213. சுண்டா அகழி எந்த கடலில் அமைந்துள்ளது?
விடை: கிழக்கு இந்திய பெருங்கடலில் அமைந்துள்ளது.
214. சுண்டா அகழியின் ஆழம்?
விடை: 7,450 மீ
தீவுகள் (Islands)
215. புவியில் தீவுகள் என்பது?
விடை: அனைத்துப் பக்கங்களிலும் நீரினால் சூழப்பட்டு கடலில் காணப்படும் நிலப்பகுதிகளை தீவுகள் என்கிறோம்.
216. புவியில் தீவுகள் எப்படி தோன்றியதாக இருக்கலாம்?
விடை: தீவுகள் கண்டத்திட்டு பகுதிகளிலோ, கடலடியிலிருந்தோ தோன்றியதாக இருக்கலாம்.
217. புவியில் பெரும்பாலான தீவுகள் எதனால் உருவானவை?
விடை: எரிமலைச் செயலினால் உருவானவை.
218. புவியில் தீவுக் கூட்டங்கள் (Archipelago) எப்படி உருவானவை?
விடை: பெருங்கடல் தட்டு அழுத்தியதால் உருவானவை.
219. புவியில் பெருங்கடல் தட்டு அழுத்தியதால் உருவான தீவுக் கூட்டத்திற்கு உதாரணம்?
விடை: ஜப்பான் தீவுக் கூட்டம்
220. புவியில் “பவளத் தீவுகள்” அல்லது “முருகைத் தீவுகள்” என்பது?
விடை: கடல்வாழ் நுண்ணுயிரிகள் மற்றும் பவளப்பாறைகள் அயன மண்டல வெப்ப நீரில் தோன்றி உருவாக்கும் தீவுகள் “பவளத் தீவுகள்” அல்லது “முருகைத் தீவுகள்” ஆகும்.
221. இந்தியாவின் லட்சத்தீவுகள் (யூனியன் பிரதேசம்) எதனால் உருவானது?
விடை: பவளப்பாறைகளால் உருவானது.
222. அந்தமான் நிக்கோபார் தீவுகளின் சில பகுதிகள் எதனால் உருவானது?
விடை: எரிமலைகளால் உருவானது.
ஆழ்கடல் மட்டக் குன்றுகள் (Guyot)
223. புவியில் ஆழ்கடல் மட்டக் குன்றுகள் என்பது?
விடை: தட்டையான உச்சிப் பகுதிகளை கொண்டு கடலுக்கடியில் காணப்படும் எரிமலைக் குன்றுகள் “ஆழ்கடல் மட்டக் குன்றுகள்” என்று அழைக்கப்படுகின்றன.
224. புவியில் ஆழ்கடல் மட்டக்குன்றுகள் எப்படி உருவாகிறது?
விடை: புவித்தட்டுகள் மெதுவாக நகர்வதால் உண்டாகும் எரிமலை சங்கிலித் தொடரின் ஒரு பகுதியாகும்.
கடற்குன்றுகள் (Seamounts)
225. புவியில் கடற்குன்றுகள் என்பது?
விடை: கடல் நீருக்கடியில் காணப்படும் கூம்பு வடிவ எரிமலைகளை ‘கடற்குன்றுகள்’ என்கிறோம்.
226. புவியில் கடற்குன்றுகள் எப்படி காணப்படும்?
விடை: தனது சுற்றுபுற நிலப்பரப்பிலிருந்து ஆயிரம் மீட்டர் அல்லது அதற்கு மேல் தனியாக உயர்ந்து நிற்கும் மலையாகும்.
227. புவியில் கடற்குன்றுகள் எப்பொழுதும் எதற்கு மேல் தெரிவது கிடையாது?
விடை: நீருக்கு மேல் தெரிவது கிடையாது.
228. புவியில் கடற்குன்றுகள் மொத்த கடலடி பரப்பில் எத்தனை சதவீதம்?
விடை: 4.39 சதவீதமாகும்.
229. புவியில் கடற்குன்றுகளும், கடல் மட்டக்குன்றுகளும் அதிக அளவில் எங்கு காணப்படுகின்றன?
விடை: வடபசிபிக் பெருங்கடலில் காணப்படுகின்றன.
பசிபிக் பெருங்கடலடி நிலத்தோற்றங்கள்
230. பசிபிக் பெருங்கடலில் கிழக்கு கடற்கரையில் அகழிகள் அமைந்துள்ளதால் இங்குள்ள கண்டத்திட்டுகள் எப்படி காணப்படுகின்றன?
விடை: மிகவும் குறுகியதாகக் காணப்படுகின்றன.
231. பசிபிக்பெருங்கடலின் மேற்கு பகுதியில் எப்படி கண்டத் திட்டுகள் காணப்படுகின்றன?
விடை: அகலமான கண்டத் திட்டுகள் காணப்படுகின்றன.
232. ஆஸ்திரேலியா மற்றும் கிழக்கிந்திய தீவுகளைச் சுற்றியுள்ள கடற்கரைப் பகுதிகளில் காணப்படும் கண்டத்திட்டுகளின் அகலம்?
விடை: 160 கி.மீ. முதல் 1600 கி.மீ அகலம் வரை வேறுபட்டுக் காணப்படுகின்றன.
233. பசிபிக் பெருங்கடலில் ஆழ்கடல் சமவெளிகள் எப்படி காணப்படுகின்றன?
விடை: ஆழ்கடல் மலைத்தொடர்கள் அதிகமாக இல்லாததால் ஆழ்கடல் சமவெளிகள் மிகவும் அகலமாக காணப்படுகின்றன.
234. பசிபிக் பெருங்கடலில் காணப்படும் சில முக்கியமான ஆழ்கடல் மலைத்தொடர்கள் எவை?
விடை: ஆல்பட்ராஸ் பீடபூமி, கோகோஸ் மலைத்தொடர், அலுசியன் மலைத்தொடர் ஆகியன ஆகும்.
235. பசிபிக் பெருங்கடலில் காணப்படும் முக்கியமான கொப்பரைகள் எவை?
விடை: நியூசிலாந்திற்கு அருகிலுள்ள டாஸ்மேனியா கொப்பரை மற்றும் கிழக்கு பசிபிக் கொப்பரை ஆகியன பசிபிக் பெருங்கடலில் காணப்படும் முக்கியமான கொப்பரைகளாகும்.
236. பசிபிக் பெருங்கடல் எவ்வளவு தீவுகளைக் கொண்டுள்ளது?
விடை: 25,000 க்கும் மேற்பட்ட தீவுகளைக் கொண்டுள்ளது.
237. புவியில் அதிக எண்ணிக்கையிலான தீவுக்கூட்டங்கள் எங்கு காணப்படுகின்றன?
விடை: வடக்கு மற்றும் தெற்கு பசிபிக் பெருங்கடலில் காணப்படுகின்றன.
238. ஹவாய் தீவுகள் எப்படி உருவானவை?
விடை: எரிமலை வெடிப்பினால் உருவானவை.
239. பசிபிக் பெருங்கடலில் உள்ள ஆழமான பகுதி எது?
விடை: சேலஞ்சர் பள்ளம் மரியானா அகழியில் பசிபிக் பெருங்கடலின் ஆழமான பகுதியாகும் (10994 மீட்டர்)
அட்லாண்டிக் கடலடி நிலத்தோற்றங்கள்
240. வட அட்லாண்டிக் பெருங்கடலில் கண்டத்திட்டுகள் எங்கு காணப்படுகின்றன?
விடை: நியுபவுண்ட்லாந்து (கிராண்ட் திட்டு) மற்றும் பிரிட்டிஷ் தீவுகளை (டாகர் திட்டு) சுற்றிலும் விரிவான கண்டத்திட்டுகள் காணப்படுகின்றன.
241. வட அட்லாண்டிக் பெருங்கடலில் கண்டத்திட்டுகள் எங்கு காணப்படுகின்றன?
விடை: தென் அட்லாண்டிக் பகுதியில் பாகியா பிளாங்காவுக்கும் அண்டார்டிக்காவுக்கும் இடையில் மிக விரிவான கண்டத்திட்டு காணப்படுகிறது.
242. புவியில் மிகவும் ஆச்சரியமான கடலடி நிலத்தோற்றமாக இருப்பது?
விடை: ‘S’ வடிவில் மத்திய அட்லாண்டிக் மலைத்தொடர் அமைந்துள்ளது.
243. S வடிவில் உள்ள மத்திய அட்லாண்டிக் மலைத்தொடரின் நீளம்?
விடை: 16,000 கி.மீ நீளத்தில் அமைந்துள்ளது.
244. மத்திய அட்லாண்டிக் மலைத்தொடரின் பரவல்?
விடை: வடக்கில் ஐஸ்லாந்திலிருந்து தெற்கில் பவெளட் தீவு வரை (Bouvet Island) செல்கிறது.
245. மத்திய அட்லாண்டிக் மலைத்தொடர் வட அட்லாண்டிக் பகுதியில் பிரிக்கும் புவித் தட்டுகள் எவை?
விடை: யுரேஷியன் புவித்தட்டையும் வட அமெரிக்க புவித்தட்டையும் வட அட்லாண்டிக் பகுதியில் பிரிக்கின்றது.
246. மத்திய அட்லாண்டிக் மலைத்தொடர் தென் அட்லாண்டிக் பகுதியில் பிரிக்கும் புவித் தட்டுகள் எவை?
விடை: ஆப்பிரிக்கப் புவித்தட்டையும் தென் அமெரிக்கப் புவித்தட்டையும் தென் அட்லாண்டிக் பகுதியில் பிரிக்கின்றது.
247. மத்திய அட்லாண்டிக் மலைத்தொடரில் காணப்படும் சிகரங்கள் எவை?
விடை: ஐஸ்லாந்து மற்றும் பாரோ போன்ற சில சிகரங்கள் காணப்படுகின்றன.
248. அட்லாண்டிக் பெருங்கடலை கிழக்கு, மேற்கு என இரு பெரும் கொப்பரைகளாகப் பிரிக்கும் மலைத்தொடர்?
விடை: மத்திய அட்லாண்டிக் மலைத்தொடர்
249. அட்லாண்டிக் பெருங்கடலில் உள்ள கொப்பரைகள் எவை?
விடை: கிழக்கு மற்றும் மேற்கு கொப்பரை, ஸ்பெயின் கொப்பரை, வடக்கு மற்றும் தெற்கு கானரி கொப்பரை, கினியா கொப்பரை, பிரேசில் கொப்பரை மற்றும் லாபரடார் கொப்பரை
250. அட்லாண்டிக் பெருங்கடலில் காணப்படும் பள்ளங்களில் மிகவும் ஆழமானது?
விடை: பியூர்ட்டோரிக்கோ பள்ளமாகும் ஆகும்.
251. பியூர்ட்டோரிக்கோ பள்ளத்தின் ஆழம்?
விடை: 8,380 மீட்டர்
252. அட்லாண்டிக் பெருங்கடலில் காணப்படும் ஆழ்கடல் பள்ளங்கள் எவை?
விடை: ரோமான்ச் பள்ளம் மற்றும் தெற்கு சாண்ட்விச் அகழி ஆகியன அட்லாண்டிக் பெருங்கடலில் காணப்படும் ஆழ்கடல் பள்ளங்களாகும்.
253. புவியில் மேற்கிந்திய தீவுக்கூட்டம் எங்கு காணப்படுகிறது?
விடை: வட அமெரிக்காவிற்கு அருகில் மேற்கிந்திய தீவுக்கூட்டம் காணப்படுகிறது.
254. வட அட்லாண்டிக் கண்டத்திட்டுப் பகுதியில் அமைந்துள்ள தீவுகள் எவை?
விடை: பிரிட்டிஷ் தீவுகள் மற்றும் நியுபவுண்ட்லாந்து ஆகியன புகழ்பெற்ற தீவுகள் ஆகும்.
255. தென் அட்லாண்டிக் பெருங்கடல் பகுதியில் காணப்படும் தீவுகள் எவை?
விடை: சாண்ட்விச் தீவுகள், ஜார்ஜியா தீவுகள், பாக்லாந்து, ஷெட்லாந்து தீவுகள் ஆகியவை காணப்படுகின்றன.
இந்திய பெருங்கடலடி நிலத்தோற்றங்கள்
256. இந்திய பெருங்கடலில் கண்டத்திட்டானது எந்த அகலத்தில் காணப்படுகிறது?
விடை: வேறுபட்ட அகலத்தில் காணப்படுகிறது.
257. அரபிக்கடல், வங்காள விரிகுடா மற்றும் அந்தமான் நிகோபார் தீவுகளைச் சுற்றியுள்ள கடற்கரைப் பகுதிகளில் கண்டத்திட்டின் அகலம்?
விடை: 192 கி.மீ. முதல் 280 கி.மீ. வரையிலான வேறுபட்ட அகலத்தில் காணப்படுகிறது.
258. அயன மண்டலத்தில் அமைந்துள்ள இந்திய பெருங்கடலில் காணப்படுபவை?
விடை: பலவகையான பவளப்பாறைகள் காணப்படுகின்றன.
259. “அராபிக் இந்திய மலைத்தொடர்” என்பது?
விடை: ஒரு தொடர்ச்சியான மத்திய மலைத்தொடர் ஆகும்.
260. ஒரு தொடர்ச்சியான மத்திய மலைத்தொடரைக் கொண்டுள்ள பெருங்கடல் எது?
விடை: இந்திய பெருங்கடல்
261. இந்தியப் பெருங்கடலில் காணப்படும் மலைத்தொடர்கள் எவை?
விடை: அராபிக் இந்திய மலைத்தொடர், கிழக்கிந்திய மலைத்தொடர்கள், மேற்கு ஆஸ்திரேலிய மலைத்தொடர், தெற்கு மடகாஸ்கர் மலைத்தொடர் ஆகியவைகளும் காணப்படுகின்றன.
262. இந்திய பெருங்கடலில் காணப்படும் கொப்பரைகள் எவை?
விடை: கொமரோ கொப்பரை, வட ஆஸ்திரேலியக் கொப்பரை, தென் இந்தியக் கொப்பரை, அரேபியக் கொப்பரை ஆகியவை இந்திய பெருங்கடலில் காணப்படும் கொப்பரைகளாகும்.
263. இந்தியப் பெருங்கடலின் சராசரி ஆழம்?
விடை: 3,890 மீட்டர் ஆகும்.
264. இந்திய பெருங்கடலின் ஆழமான பகுதி எது?
விடை: ஜாவா தீவுக்கருகில் காணப்படும் சுண்டா ஆழ்கடல் பள்ளம் தான் இந்தியப் பெருங்கடலின் ஆழமான (7,450 மீட்டர்) பகுதியாகும்.
265. இந்தியப் பெருங்கடலில் காணப்படும் முக்கியத் தீவுகள் எவை?
விடை: மடகாஸ்கரும் இலங்கையும் இந்தியப் பெருங்கடலில் காணப்படும் முக்கியத் தீவுகள் ஆகும்.
266. வங்காள விரிகுடாவில் அமைந்துள்ள அந்தமான் நிகோபார் தீவுகள் எதனோடு தொடர்ச்சியான பகுதியாகும்?
விடை: இமயமலையின் பகுதியான அரக்கன் யோமா மலைத்தொடரின் தொடச்சியாக கடல் மேலெழுந்த பகுதியாகும்.
267. எரிமலையினால் உண்டாகும் ஹாட் ஸ்பாட் எங்கு அமைந்துள்ளது?
விடை: ரியூனியன் தீவில் அமைந்துள்ளது.
5.9 பெருங்கடலின் வெப்பநிலை
268. புவியில் பெருங்கடல் வெப்பநிலை என்பது?
விடை: கடல் நீரின் குளிர்ந்த நிலை அல்லது வெப்பமான நிலையை அளந்து கூறுவதே பெருங்கடல் வெப்பநிலை எனப்படும்.
269. பொதுவாக வெப்ப நிலையானது வெப்பமானியைப் பயன்படுத்தி எந்த அலகில் கூறப்படுகிறது?
விடை: ‘டிகிரி செல்சியஸ்’
270. புவியில் பெருங்கடல் நீரானது அதிகபட்ச வெப்பத்தை எங்கிருந்து பெறுகிறது?
விடை: சூரியனின் வெப்ப கதிர்வீசல் மூலமாக பெறுகிறது.
271. புவியில் நீரின் வெப்பம் மற்றும் குளிர்ச்சி அடையும் திறன் நிலத்தின் தன்மையிலிருந்து எப்படி வேறுபடுகிறது?
விடை: குறிப்பிட்ட அளவு வேறுபடுகிறது.
272. பெருங்கடலின் வெப்ப நிலை கிடைப்பரவலை பாதிக்கும் காரணிகள் எவை?
விடை: அட்சக் கோடுகள், வீசும் காற்று பெருங்கடல் நீரோட்டங்கள் மற்றும் தலவானிலை ஆகியவை பெருங்கடலின் வெப்பபரவலைப் பாதிக்கும் முக்கிய காரணிகளாகும்.
273. கடல் மேற்பரப்பு நீரின் வெப்பநிலை புவியிடைக் கோட்டிலிருந்து துருவத்தை நோக்கி செல்லச்செல்ல குறைவதற்கான காரணம்?
விடை: புவியின் மீது சூரிய கதிர்கள் சாய்வாக விழுவதால்
2. வீசும் காற்றுகள்
274. புவியில் பெருங்கடலின் வெப்ப பரவலை வெகுவாக பாதிப்பது எது?
விடை: காற்று வீசும் திசை
275. புவியில் பெருங்கடல் நீரின் வெப்பத்தை உயர்த்தும் காற்று?
விடை: நிலப் பகுதியிலிருந்து பெருங்கடல் அல்லது கடலை நோக்கி வீசும் காற்று ஆகும்.
276. புவியில் கடல் நீரின் வெப்பத்தை குறைக்கும் காற்று எது?
விடை: குளிர்காலத்தில் பனிமூடிய பகுதிகளிலிருந்து கடலை நோக்கி வீசும் காற்று.
277. வியாபாரக்காற்று வீசும் பகுதிகளில் கடற் கரையிலிருந்து வீசும் காற்றால் கடல்நீரின் வெப்ப அளவு எப்படி மாறுகிறது?
விடை: கடலின் கிளர்ந்தெழும் (upwelling) குளிர்ந்த நீரை மேலும் உயர்த்துவதால் கடல்நீரின் வெப்ப அளவு குறைகிறது.
278. வியாபாரக்காற்று வீசும் பகுதிகளில் கடலிலிருந்து வீசும் காற்றால் கடல்நீரின் வெப்ப அளவு எப்படி மாறுகிறது?
விடை: வெப்ப நீரை ஒரே பகுதியில் குவிப்பதால் கடல் நீரின் வெப்பநிலையை குறிப்பிட்ட அளவு உயர்த்துகிறது.
3. பெருங்கடல் நீரோட்டங்கள்
279. புவியில் வெப்ப நீரோட்டங்கள் எங்கெல்லாம் செல்கிறதோ அங்கு பெருங்கடல் நீரின் வெப்பத்தை எப்படி மாற்றும்?
விடை: வெப்பத்தை அதிகரிக்கச் செய்யும்.
280. புவியில் குளிர் நீரோட்டங்கள் எங்கெல்லாம் செல்கிறதோ அங்கு பெருங்கடல் நீரின் வெப்பத்தை எப்படி மாற்றும்?
விடை: வெப்பத்தைக் குறைக்கச் செய்யும்.
281. புவியில் கல்ப் நீரோட்டம் (வெப்ப நீரோட்டம்) எந்தப் பகுதிகளில் வெப்பத்தை அதிகரிக்கின்றது?
விடை: வட அமெரிக்காவின் கிழக்குக் கடற்கரை மற்றும் ஐரோப்பாவின் மேற்கு கடற்கரைப் பகுதிகளில் வெப்பத்தை அதிகரிக்கின்றது.
282. லாபரடார் நீரோட்டம் என்பது?
விடை: குளிர் நீரோட்டம் ஆகும்.
283. புவியில் லாபரடார் குளிர் நீரோட்டம் எந்த கடற்கரையின் வெப்பத்தைக் குறைக்கிறது?
விடை: வட அமெரிக்காவின் வடகிழக்கு கடற்கரையின் வெப்பத்தைக் குறைக்கிறது.
284. புவியில் கடல்நீரின் மேற்பரப்பு வெப்பத்தை பாதிக்கும் சிறிய காரணிகள் எவை?
விடை: கடலடி மலைத்தொடர்கள், உள்ளூர் வானிலை மாற்றங்களான புயல், சூறாவளி, ஹரிகேன், மூடுபனி, மேகமூட்டம், ஆவியாதல், திரவமாதல் போன்றவையும் கடல்நீரின் மேற்பரப்பு வெப்பத்தை பாதிக்கின்றன.
285. புவியில் தினசரி வெப்ப நிலை வீச்சும் வருடாந்திர வெப்பநிலை வீச்சும் பெருங்கடல்களில் எப்படி காணப்படுகிறது?
விடை: நிலப்பகுதியைக் காட்டிலும் பெருங்கடல்களில் மிகவும் குறைவு.
286. உண்மையில் புவியிடைக் கோட்டுப் பகுதியில் பெருங்கடல்களின் வெப்பம் எப்படி இருக்கும்?
விடை: வெப்பம் அதிகம் கிடையாது.
287. புவியிடைக் கோட்டுப் பகுதியில் பெருங்கடல்களின் வெப்ப நிலை?
விடை: 27° செல்சியஸ் முதல் 30° செல்சியஸ் வரை
288. புவியிடைக் கோட்டுக்கு சற்று வடக்கில் பெருங்கடல்களின் வெப்ப நிலை எப்படி காணப்படுகிறது?
விடை: வெப்பம் அதிகம் காணப்படுகிறது.
289. புவியில் மிகக் குறைவான வெப்பநிலை எங்கு காணப்படுகிறது?
விடை: – 1.9° செல்சியஸ் துருவங்களுக்கு அருகில் காணப்படுகிறது.
290. புவியின் வட கோளத்தில் பெருங்கடல்களில் அதிக பட்ச வெப்பநிலை எந்த மாதத்தில் காணப்படுகிறது?
விடை: ஆகஸ்ட் மாதத்தில்
291.புவியின் வட கோளத்தில் பெருங்கடல்களில் குறைந்த பட்ச வெப்பநிலை எந்த மாதத்தில் காணப்படுகிறது?
விடை: பிப்ரவரி மாதத்தில்
292. புவியின் தென் கோளத்தில் பெருங்கடல்களில் அதிக பட்ச வெப்பநிலை எந்த மாதத்தில் காணப்படுகிறது?
விடை: பிப்ரவரி மாதத்தில்
293. புவியின் தென் கோளத்தில் பெருங்கடல்களில் குறைந்த பட்ச வெப்பநிலை எந்த மாதத்தில் காணப்படுகிறது?
விடை: ஆகஸ்ட் மாதத்தில்
5.9.2 பெருங்கடல்களின் செங்குத்து வெப்ப பரவல்
294. புவியின் பெருங்கடலின் இரண்டறக் கலந்த மேற்பரப்பு நீர் அடுக்கு கொண்டிருக்கும் வெப்பநிலை?
விடை: 20° செல்சியஸ் முதல் 25° செல்சியஸ் வரையிலான வெப்பநிலையை கொண்டிருக்கும்.
295. புவியில் நீர் அடுக்கின் ஆழம் எதைப் பொறுத்து மாறுபடும்?
விடை: பருவ காலத்திற்கு ஏற்ப மாறுபடும்.
296. புவியில் பெருங்கடல்களின் செங்குத்து பரவல் எங்கு காணப்படுகிறது?
விடை: அயனமண்டலத்தில் 200 மீட்டர் ஆழம் வரை காணப்படுகிறது.
297. புவியில் சரிவு அடுக்கு (Thermocline layer) எங்கு காணப்படுகிறது?
விடை: அயனமண்டல அடுக்கின் கீழ் தான் வெப்பநிலை சரிவு அடுக்கு (Thermocline layer) காணப்படுகிறது.
298. புவியில் வெப்பநிலை சரிவு அடுக்கின் ஆழம்?
விடை: 200 மீட்டர் முதல் 1000 மீட்டர் ஆழம் வரை வேறுபட்டுக் காணப்படுகிறது.
299. புவியில் தனித்துவம் வாய்ந்த வெப்பநிலை சரிவு அடுக்கில் ஆழம் அதிகரிக்க அதிகரிக்க வெப்பநிலை எப்படி மாறுகிறது?
விடை: வெப்பநிலை வேகமாகக் குறைகிறது.
300. புவியில் வெப்பநிலை சரிவு அடுக்குக்குக் கீழ் எத்தனை மீட்டர் வரை வெப்பநிலைக் குறைகிறது?
விடை: 4000 மீட்டர் வரை வெப்பநிலைக் குறைகிறது.