6. பெரு நீரோட்டம்
401. பசிபிக் பெருங்கடல் நீரோட்டங்களில் மிக நன்றாக கண்டறியப்பட்ட நீரோட்டம் எது?

விடை: பெரு நீரோட்டமாகும்.

 

 

402. அலெக்ஸாண்டர் வான் ஹம்போல்ட் என்ற ஆராய்ச்சியாளர் பசிபிக் பெருங்கடலின் பெரு நீரோட்டத்தைப் பற்றிய அதிகத் தகவல்களை எந்த ஆண்டு கண்டறிந்தார்?

விடை: 1802 ம் ஆண்டு கண்டறிந்தார்.

 

 

403. பசிபிக் பெருங்கடலின் பெரு நீரோட்டத்தின் வேறு பெயர்?

விடை: ஹம்போல்ட் நீரோட்டம்

 

 

404. பசிபிக் பெருங்கடலின் பெரு நீரோட்டம் என்பது?

விடை: குளிர் நீரோட்டமாகும்.

 

 

405. பசிபிக் பெருங்கடலின் பெரு நீரோட்டம் அண்டார்டிக்கா நீரோட்டத்தின் குளிர்ந்த நீரை எப்படி எடுத்துச் செல்கிறது?

விடை: பெரு நீரோட்டம் தென் அமெரிக்க மேற்கு கடற்கரை வழியாக வடக்கு நோக்கி நகர்ந்து 40° தெற்கில் காணப்படும் அண்டார்டிக்கா நீரோட்டத்தின் குளிர்ந்த நீரை எடுத்துச் செல்கிறது.

 

 

7. எல்நினோ அல்லது எதிர் நீரோட்டம்
406. பசிபிக் பெருங்கடலின் எல்நினோ நீரோட்டத்தின் வேறு பெயர்?

விடை: எதிர் நீரோட்டம்

 

 

407. எல்நினோ நீரோட்டம் என்பது?

விடை: பசிபிக் பெருங்கடலில் புவியிடைக் கோட்டுக்கு அருகில் உள்ள வெப்ப நீரானது 400 மீட்டர் ஆழத்தில் 180 கி.மீ தூரத்திற்கு ஒரு வெப்ப நீரோட்டமாக நகர்ந்து செல்வதை எல்நீனோ அல்லது எதிர் நீரோட்டம் என்கிறோம்.

 

 

8. மேற்கு காற்று காற்றியக்க நீரோட்டம்
408. பசிபிக் பெருங்கடலின் மேற்கு காற்று காற்றியக்க நீரோட்டம் என்பது?

விடை: பசிபிக் பெருங்கடலில் டாஸ்மோனியாவிலிருந்து தென் அமெரிக்க கடற்கரை வரை கிழக்கு நோக்கி நகர்ந்து செல்லும் காற்றியக்க நீரோட்டமாகும்.

 

 

409. பசிபிக் பெருங்கடலின் மேற்கு காற்று காற்றியக்க நீரோட்டம் எந்த வகை நீரோட்டம்?

விடை: ஒரு குளிர் நீரோட்டமாகும்.

 

 

410. பசிபிக் பெருங்கடலின் மேற்கு காற்று காற்றியக்க நீரோட்டத்தின் வேகம் மிக அதிகமாக இருப்பதற்கான காரணம்?

விடை: உறுமும் நாற்பதுகளின் (40° அட்சம்) தாக்கத்தால்

 

 

411. பசிபிக் பெருங்கடலின் மேற்கு காற்று காற்றியக்க நீரோட்டம் எத்தனை கிளையாக பிரிகிறது?

விடை: இரு கிளைகளாகப் பிரிகிறது.

 

 

412. பசிபிக் பெருங்கடலின் மேற்கு காற்று காற்றியக்க நீரோட்டத்தின் ஒரு கிளை தெற்கு நோக்கி நகர்ந்து எந்த பெருங்கடலை அடைகிறது?

விடை: கேப்முனை வழியாக அட்லாண்டிக் பெருங்கடலை அடைகிறது.

 

 

413. பசிபிக் பெருங்கடலின் மேற்கு காற்று காற்றியக்க நீரோட்டத்தின் ஒரு கிளை வடக்கு நோக்கி நகர்ந்து எந்த நீரோட்டத்துடன் இணைகிறது?

விடை: பெரு கடற்கரை வழியாக நகர்ந்து பெரு நீரோட்டத்துடன் இணைகிறது.

 

 

அட்லாண்டிக் பெருங்கடல் நீரோட்டம்
1. வட புவியிடைக்கோட்டு நீரோட்டம்
414. அட்லாண்டிக் பெருங்கடலின் வட புவியிடைக்கோட்டு நீரோட்டம் எந்த திசையில் இருந்து எந்த திசை நோக்கி பாய்கிறது?

விடை: கிழக்கிலிருந்து மேற்கு நோக்கி பாய்கிறது.

 

 

415. அட்லாண்டிக் பெருங்கடலின் வட புவியிடைக்கோட்டு நீரோட்டம் என்பது?

விடை: 5° வடக்கு முதல் 20° வடக்கு அட்சத்தில் காணப்படும் ஒரு வெப்ப நீரோட்டமாகும்.

 

 

416. அட்லாண்டிக் பெருங்கடலின் வட புவியிடைக்கோட்டு நீரோட்டம் எப்போது தனது முக்கிய தன்மைகளைப் பெறுகிறது?

விடை: ஆப்பிரிக்காவின் கிழக்கு கடற்கரையை விட்டு நீங்கிய பிறகு

 

 

417. அட்லாண்டிக் பெருங்கடலின் வட புவியிடைக்கோட்டு நீரோட்டம் எந்தப் பகுதியில் இரண்டு கிளையாக பிரிகிறது?

விடை: தென் அமெரிக்காவின் கிழக்கு கடற்கரையை அடைந்தவுடன் இரண்டு கிளைகளாக பிரிகிறது.

 

 

418. அட்லாண்டிக் பெருங்கடலின் வட புவியிடைக்கோட்டு நீரோட்டம் மேற்கிந்திய தீவுகள் கடற்கரை வழியாக நகரும் ஒரு கிளை எவ்வாறு அழைக்கப்படுகிறது?

விடை: “ஆண்டிலிஸ் நீரோட்டம்” என்று அழைக்கப்படுகிறது.

 

 

419. அட்லாண்டிக் பெருங்கடலின் வட புவியிடைக்கோட்டு நீரோட்டத்தின் மற்றொரு கிளை எந்த கடல் பக்கம் திருப்பிவிடப்படுகிறது?

விடை: கரீபியன் கடல் பக்கம் திருப்பிவிடப்படுகிறது.

 

 

2. தென் புவியிடைக் கோட்டு நீரோட்டம்
420. அட்லாண்டிக் பெருங்கடலின் தென் புவியிடைக் கோட்டு நீரோட்டம் எந்தப் பகுதியில் நகர்கிறது?

விடை: ஆப்பிரிக்கா மற்றும் தென் அமெரிக்க கடற்கரைக்கு இடையில் 0° தெற்கு முதல் 12° தெற்கு வரை உள்ள அட்சப்பகுதியில் நகர்கிறது.

 

 

421. அட்லாண்டிக் பெருங்கடலின் தென் புவியிடைக் கோட்டு நீரோட்டம் என்பது?

விடை: ஒரு வெப்ப நீரோட்டமாகும்.

 

 

422. அட்லாண்டிக் பெருங்கடலின் தென் புவியிடைக் கோட்டு நீரோட்டம் எந்த நீரோட்டத்தின் தொடர்ச்சியாகும்?

விடை: பெங்குலா நீரோட்டத்தின் வடக்கு பகுதியின் தொடர்ச்சியாகும்.

 

 

423. அட்லாண்டிக் பெருங்கடலின் புவியிடைக் கோட்டு நீரோட்டத்தில் வலுவான நீரோட்டம் எது?

விடை : தென் புவியிடைக் கோட்டு நீரோட்டம் வட புவியிடைக்கோட்டு நீரோட்டத்தை விட வலுவானது.

 

 

424. அட்லாண்டிக் பெருங்கடலின் தென் புவியிடைக் கோட்டு நீரோட்டம் எதனால் உருவானது?

விடை: வியாபார காற்றுகளால் உருவான நீரோட்டாகும்.

 

 

3. கல்ப் நீரோட்டம் (Gulf stream)
425. அட்லாண்டிக் பெருங்கடலின் கல்ப் நீரோட்டம் என்பது?

விடை: ஒரு வெப்ப நீரோட்டமாகும்.

 

 

426. அட்லாண்டிக் பெருங்கடலின் கல்ப் நீரோட்டம் எந்தப் பகுதிகளுக்கு வெப்பநீரை சுமந்து செல்கிறது?

விடை: மெக்ஸிகோ வளைகுடாவில் தொடங்கி, குளிர் அட்சப் பகுதிகளுக்கு வெப்பநீரை சுமந்து செல்கிறது.

 

 

427. அட்லாண்டிக் பெருங்கடலின் கல்ப் நீரோட்டமானது எந்தப் பகுதியில் வளைந்து செல்கிறது?

விடை: கல்ப் நீரோட்டமானது 40° அட்சக் கோட்டை அடையும் வரை, மேற்கு காற்றுகளின் திசை மற்றும் மைய விலக்கு விசை காரணமாக அமெரிக்காவின் கிழக்கு கரையினை ஒட்டி கிழக்கு திசையில் வளைந்து செல்கிறது.

 

 

428. அட்லாண்டிக் பெருங்கடலின் கல்ப் நீரோட்டம் எந்தப் பகுதியில் லாபரடார் நீரோட்டத்துடன் கலக்கிறது?

விடை: கனடாவின் நியூபவுண்ட்லாந்துக்கு அருகில் குளிர்ந்த லாபரடார் நீரோட்டத்துடன் கலக்கிறது.

 

 

429. அட்லாண்டிக் பெருங்கடலின் கல்ப் நீரோட்டம் யாரால் கண்டுபிடிக்கப்பட்டது?

விடை: பான்ஸ் டி லியோன் என்பவரால் கண்டுபிடிக்கப்பட்டது.

 

 

430. அட்லாண்டிக் பெருங்கடலின் கல்ப் நீரோட்டம் பான்ஸ் டி லியோன் என்பவரால் எந்த ஆண்டு கண்டுபிடிக்கப்பட்டது?

விடை: 1513ம் ஆண்டு

 

 

4. கானரீஸ் நீரோட்டம்
431. அட்லாண்டிக் பெருங்கடலின் கானரீஸ் நீரோட்டம் என்பது?

விடை: ஆப்பிரிக்காவின் மேற்கு கடற்கரையில் மாடிரியா முதல் வெர்டி முனை வரை நகர்ந்து செல்லும் குளிர்ந்த பெருங்கடல் நீரோட்டம் கானரீஸ் நீரோட்டம் என அறியப்படுகிறது.

 

 

432. அட்லாண்டிக் பெருங்கடலின் கானரீஸ் நீரோட்டம் எந்த நீரோட்டத்துடன் இணைகிறது?

விடை: கானரீஸ் நீரோட்டம் தெற்கு நோக்கி நகர்ந்து வட புவியிடைக்கோட்டு நீரோட்டத்துடன் இணைகிறது.

 

 

5. லாபரடார் நீரோட்டம்
433. அட்லாண்டிக் பெருங்கடலின் லாபரடார் நீரோட்டம் என்பது?

விடை: வட அட்லாண்டிக் பெருங்கடலில் பப்பின் (Baffin) வளைகுடா மற்றும் டேவிஸ் நீர்சந்தி வழியாக தெற்கு நோக்கி ஒரு குளிர் நீரோட்டம் பாய்கிறது. அது லாபரடார் நீரோட்டம் என்று அழைக்கப்படுகிறது.

 

 

434. அட்லாண்டிக் பெருங்கடலின் லாபரடார் நீரோட்டம் எந்த கடற்கரை வழியாக மிகக் குளிர்ந்த நீரை சுமந்து செல்கிறது?

விடை: துருவப் பகுதியிலிருந்து கிரீன்லாந்து கடற்கரை வழியாக மிக குளிர்ந்த நீரை சுமந்து செல்கிறது.

 

 

5.பெங்குலா நீரோட்டம்
435. அட்லாண்டிக் பெருங்கடலின் பெங்குலா நீரோட்டம் என்பது?

விடை: ஒரு குளிர் நீரோட்டமாகும்.

 

 

436. அட்லாண்டிக் பெருங்கடலின் பெங்குலா நீரோட்டம் எதன் வழியாக நகர்ந்து செல்லும்?

விடை: ஆப்பிரிக்காவின் மேற்கு கடற்கரை வழியாக நகர்ந்து செல்லும் இந்நீரோட்டம் பெங்குலா நீரோட்டமாகும்.

 

 

437. அட்லாண்டிக் பெருங்கடலின் பெங்குலா நீரோட்டம் எந்த நீரோட்டத்தில் கலந்து விடுகிறது?

விடை: பெங்குலா நீரோட்டம் துணை அண்டார்டிக்கா நீர்பரப்பிலிருந்து மிக குளிர்ந்த நீரினை சுமந்து சென்று தெற்கு புவியிடைக் கோட்டு நீரோட்டத்தில் கலந்து விடுகிறது.

 

 

இந்தியப் பெருங்கடல் நீரோட்டங்கள்
438. தென் இந்திய சூழலானது எந்தெந்த நீரோட்டத்தினால் உருவானதாகும்?

விடை: தெற்குப் புவியிடைக்கோட்டு நீரோட்டம், மடகாஸ்கர் நீரோட்டம், காற்றியக்க நீரோட்டம் மற்றும் மேற்கு ஆஸ்திரேலிய நீரோட்டம் போன்றவற்றால் ஆனதாகும்.

 

 

439. இந்தியப் பெருங்கடலில் புவியிடைக்கோட்டுக்கு வடக்காக அரபிக் கடலிலும் வங்காள விரிகுடாவிலும் காணப்படும் நீரோட்டங்களானது பருவக்காற்றின் தூண்டுதலால் எந்தெந்த திசைகளில் பாய்கிறது?

விடை: தென்மேற்குப் பருவக்காற்று நீரோட்டமாக கடிகாரத் திசையிலும் வடகிழக்கு பருவக்காற்று நீரோட்டமாக எதிர் கடிகாரத் திசையிலும் பாய்கிறது.

 

 

440. அண்டார்டிக்கா துருவச் சுற்று நீரோட்டமானது எந்தப் பகுதிகளில் ஓடுகிறது?

விடை: 40° மற்றும் 60° தென் அட்சரேகைகளுக்கு இடைப்பட்ட பகுதிகளில் ஓடுகிறது.

 

 

441. அண்டார்டிக்கா துருவச் சுற்று நீரோட்டமானது எப்படி சுற்றி வருகிறது?

விடை: மேலைக்காற்றுகளால் தூண்டப்பட்டு மேற்கிலிருந்து கிழக்காக அண்டார்டிகாவை முழுவதுமாக சுற்றிவருகிறது.

 

 

442. அண்டார்டிக்கா துருவச் சுற்று நீரோட்டத்திற்குள் காணப்படுவது?

விடை: மேற்கு நோக்கிய எதிர் நீரோட்டமும் காணப்படுகிறது.

 

 

தென்பெருங்கடல் நீரோட்டங்கள்
443. தென்பெருங்கடல் எங்கு காணப்படுகிறது?

விடை: அண்டார்டிக்காவைச் சுற்றி தென்பெருங்கடல் காணப்படுகிறது.

 

 

444. தென் பெருங்கடல் பகுதி எப்படி காணப்படுகிறது?

விடை: பசிபிக், அட்லாண்டிக் மற்றும் இந்தியப் பெருங்கடல் போன்ற அனைத்து பெரிய பெருங்கடல்களும் இணைந்து ஒரு உலகளாவிய துருவ நீர்ச்சுற்றாக இந்த தென்பகுதி காணப்படுகிறது.

 

 

445. தென்பெருங்கடலின் நீர் சுழற்சியானது எப்படி காணப்படுகிறது?

விடை: பொதுவாக வடக்கு மேற்கத்திய காற்றுகளால் உருவாகும் ஒரு எளிமையான மேற்கு கிழக்கு துருவச்சுற்று நீரோட்டமாகும்.

 

 

446. தென் பெருங்கடலில் மேற்கு கிழக்கு துருவச்சுற்று நீரோட்டமானது அதன் கிளைகளை வடக்கு நோக்கி எத்தனை பெருங்கடல்களுக்கு அனுப்புகிறது?

விடை: மூன்று பெருங்கடல்களுக்கு அனுப்புகிறது.அவை,
1. பசிபிக் பெருங்கடல்
2. அட்லாண்டிக் பெருங்கடல்
3. இந்தியப் பெருங்கடல்

 

 

447. தென் பெருங்கடலில் இருந்து குளிர்ந்த நீரை பெறும் நீரோட்டங்கள் எவை?
விடை: பசிபிக் பெருங்கடலில் உள்ள ஹம்போல்ட் நீரோட்டம், அட்லாண்டிக் பெருங்கடலில் உள்ள பால்க்லாந்து மற்றும் பெங்குலா நீரோட்டங்கள், இந்திய பெருங்கடலில் உள்ள மேற்கு ஆஸ்திரேலியன் நீரோட்டம் போன்றவை அவற்றின் பகுதிக் குளிர்ந்த நீரை தென் பெருங்கடலில் இருந்து பெறுகின்றன.

448. பெருங்கடல் மேற்பரப்பு நீரோட்டங்களைத் தவிர, பெருங்கடல் மேற்பரப்புக்கு கீழ் ஒரு சிக்கலான அமைப்புடைய நீரோட்டங்கள் எந்தப் பகுதியில் காணப்படுகிறது?

விடை: தென் பெருங்கடலுக்கும் அதன் வடக்கில் உள்ள பெருங்கடல்களுக்கும் இடையில் காணப்படுகிறது.

 

 

449. பொதுவாக, தென்பெருங்கடலில் பெருங்கடலின் மேற்பரப்பிலும் அதிக ஆழத்திலும் நீரோட்டங்கள் எதை நோக்கி ஓடுகின்றன?

விடை: புவியிடைக் கோட்டுப் பகுதியை நோக்கி ஓடுகின்றன.

 

 

450. தென்பெருங்கடலின் இடைப்பட்ட ஆழமானப்பகுதியில் நீரோட்டங்கள் எங்கிருந்து எதை நோக்கிப் பாய்கின்றன?

விடை: புவியிடைக் கோட்டுப்பகுதியிலிருந்து தென்பெருங்கடலை நோக்கி பாய்கின்றன.

 

 

பெருங்கடல் நீரோட்டங்களின் சிறப்பம்சங்கள்
451. புவியில் பெருங்கடல் நீரோட்டங்கள் என்பது?

விடை: உலக கால நிலையில் பெரும் பங்கு வகிக்கின்றன. பெருங்கடல் நீரோட்டங்கள் சக்தியையும், சத்துக்களையும் கடலுக்குள்ளேயே பகிர்ந்தளிக்கின்றன.

 

 

452. பெருங்கடலில் வெப்ப நீரோட்டமும், குளிர் நீரோட்டமும் சந்திக்கின்ற இடத்தில் உருவாகுவது?

விடை: அடர் மூடுபனி உருவாகிறது.

 

 

453. பெருங்கடலில் அடர் மூடு பணியை உருவாக்கும் நீரோட்டத்திற்கு உதாரணம்?

விடை: கல்ப் வெப்ப நீரோட்டம், லாபரடார் குளிர் நீரோட்டத்தை நியூ பவுண்ட்லாந்திற்கு அருகில் சந்திக்கின்ற இடத்தில் மிக அடர்த்தியான மூடுபனி உருவாகிறது.

 

 

454. பெருங்கடலின் வெப்ப நீரோட்டம் அது நகர்ந்து செல்லும் கடற்கரையோரப் பகுதியின் வெப்பநிலையை எப்படி மாற்றுகிறது?

விடை: வெப்பநிலையை குறைக்கிறது.

 

 

455. பெருங்கடல் வெப்ப நீரோட்டத்தின் மீது வீசுகின்ற காற்று வெப்பமடைவதால் எதைத் தருகிறது?

விடை: அதிக மழைப்பொழிவை தருகிறது.

 

 

456. பெருங்கடல் குளிர் நீரோட்டத்தின் மீது வீசுகின்ற காற்று எதை உண்டாக்குகிறது?

விடை: கடுமையான வறட்சியை உண்டாக்குகிறது.

 

 

457. பெரு நீரோட்டத்தின் மீது வீசுகின்ற காற்று எப்படி காணப்படுகிறது?

விடை: மிகவும் குளிர்ச்சியாகவும், வறண்டும் காணப்படுகிறது.

 

 

458. பெரு நாட்டின் மேற்கு கடற்கரை பகுதியில் அமைந்துள்ள அட்டகாமா பாலைவனம் உருவாக காரணம்?

விடை: பெரு நீரோட்டத்தின் தாக்கத்தால் தோன்றும் இந்த குளிர்ந்த வறண்ட காற்றே காரணமாக அமைந்துள்ளது.

 

 

459.நீரோட்டங்கள் எதை ஒழுங்குப்படுத்துகின்றன?

விடை: உலக வெப்ப நிலையை ஒழுங்குப்படுத்துகின்றன.

 

 

460. நீரோட்டங்கள் எதற்கு பெரிதும் உதவுகின்றன?

விடை: கப்பலை எளிதாக செலுத்த பெரிதும் உதவுகின்றன.

 

 

461. ரஷ்யா மற்றும் ஸ்காண்டிநேவியாவின் இயற்கை மற்றும் செயற்கை துறைமுகங்கள் ஆண்டு முழுவதும் செயல்பட உதவும் நீரோட்டம் எது?

விடை: ஃகல்ப்(Gulf) நீரோட்டம்

 

 

462. ஜப்பான் துறைமுகங்களை குளிர்காலத்தில் கூட (நீர் உறைவது கிடையாது) இயங்க வைக்கும் நீரோட்டம் எது?

விடை: குரோஷியா நீரோட்டம்

 

 

463.நீரோட்டங்கள் பெருங்கடல்களில் கொட்டப்படும் இரசாயனங்கள் மற்றும் கழிவுகளை எப்படி மாற்றுகின்றன?

விடை: இரசாயனங்கள் மற்றும் கழிவுகளை நீர்த்துப் போகவும், புறக்கணிக்கக் கூடியதாக மாற்றவும் செய்கின்றன.

 

 

464. சில வகை மீன்கள் அது தோன்றிய இடத்தை விட்டு பிற இடங்களில் பரவிக் காணப்படவும் உதவுவது?

விடை: பெருங்கடல் நீரோட்டங்கள்

 

 

465. மீன்களுக்குப் பயன்படும் பைட்டோபிளாங்டன்கள் உற்பத்திக்கு பெருங்கடல் நீரோட்டங்கள் எப்படி உதவி செய்கின்றன?

விடை: சூரிய ஒளி ஊடுருவும் பகுதிகளில் பெருங்கடல்களில் மேல் நோக்கிய மற்றும் கீழ் நோக்கிய கிளர்கையின் காரணமாக தாதுக்கள் மேல்நோக்கி உந்தப்பட்டு மீன்களுக்குப் பயன்படும் பைட்டோபிளாங்டன்கள் உற்பத்திக்கு உதவுகிறன்றன.

 

 

466. உலகின் முக்கிய மீன் பிடித்தளங்கள் பெருங்கடலில் எங்கு காணப்படுகிறது?

விடை: பெருங்கடலில் வெப்பகுளிர் நீரோட்டங்களும் குளிர் நீரோட்டங்களும் சந்திக்கும் இடங்களில் காணப்படுகிறது.

 

 

467. கல்ப் வெப்ப நீரோட்டம் மற்றும் லாபரடார் குளிர் நீரோட்டம் சந்திக்கும் இடத்தில் உள்ள மீன்பிடித்தளம் எது?

விடை: கிராண்ட் திட்டு

 

 

468. கிராண்ட் திட்டு எங்கு அமைந்துள்ளது?

விடை: அட்லாண்டிக் பெருங்கடலில் நியுபவுண்ட்லாந்து பகுதியில் அமைந்துள்ளது.

 

 

469. பெங்குலா குளிர் நீரோட்டம் மற்றும் அகுகாஸ் வெப்ப நீரோட்டம் சந்திக்கும் இடத்தில் உள்ள மீன்பிடித்தளம் எது?

விடை: அகுகாஸ் திட்டு

 

 

470. அகுகாஸ் திட்டு எங்கு அமைந்துள்ளது?

விடை: அட்லாண்டிக் பெருங்கடல், ஆப்பிரிக்காவின் மேற்கு கடற்கரையில் அமைந்துள்ளது.

 

 

471. வட அட்லாண்டிக் காற்றியியக்க நீரோட்டம் மற்றும் கானரீஸ் குளிர் நீரோட்டம் சந்திக்கும் இடத்தில் உள்ள மீன்பிடித்தளம் எது?

விடை: டாகர் திட்டு

 

 

472. டாகர் திட்டு எங்கு அமைந்துள்ளது?

விடை: அட்லாண்டிக் பெருங்கடல், வட அமெரிக்காவின் வடகிழக்கு பகுதியில் அமைந்துள்ளது.

 

 

473. குரோஷிவோ வெப்ப நீரோட்டம் மற்றும் ஒயாஷியோ குளிர் நீரோட்டம் சந்திக்கும் இடத்தில் உள்ள மீன்பிடித்தளம் எது?

விடை: ரீட் திட்டு (Reed Bank)

 

 

474. ரீட் திட்டு (Reed Bank) எங்கு அமைந்துள்ளது?

விடை : தென்சீனக்கடல், பசிபிக் பெருங்கடலில் அமைந்துள்ளது.

 

 

475. தென் புவியிடைக் கோட்டு வெப்பநீரோட்டம் மற்றும் மேற்கு ஆஸ்திரேலியன் குளிர் நீரோட்டம் சந்திக்கும் இடத்தில் உள்ள மீன்பிடித்தளம் எது?

விடை: பெட்ரோ திட்டு (Petro bank)

 

 

476. பெட்ரோ திட்டு (Petro bank) எங்கு அமைந்துள்ளது?

விடை : இந்தியப் பெருங்கடலில் அமைந்துள்ளது.

 

 

எல் நினோ
477. எல்நினோ என்பது?

விடை: 5° வடக்கு முதல் 5° தெற்கு அட்சப்பகுதிகள் வரையிலும் மற்றும் 120° மேற்கு முதல் 1170° மேற்கு தீர்க்கப்பகுதிகள் வரை அமைந்துள்ள புவியிடைக்கோட்டுப் பசிபிக் பெருங்கடல் பகுதியில் இயல்பு நிலையில் இருந்து (1971-2000 அடிப்படை காலம்) அதிகரிக்கும் கடல் மேற்பரப்பின் வெப்பநிலையைக் குறிக்கும் ஒரு நிகழ்வாகும்.

 

 

478. எல்நினோ எத்தனை வருடங்களுக்கு ஒரு முறை ஏற்படுகிறது?

விடை: இரண்டு அல்லது ஏழு வருடத்திற்கு ஒருமுறை ஏற்படுகிறது.

 

 

479. எல்நினோ நிகழ்வு எந்த நிலைகளில் நிகழ்கிறது?

விடை: கீழே கூறப்பட்டுள்ள நிலைகளில் எல்நினோ நிகழ்கிறது.
 புவியிடைக் கோட்டு பசிபிக் பெருங்கடலின் மத்திய மற்றும் கிழக்கு பகுதியில் ஈகுவேடார் நாட்டிற்கும் சர்வதேச தேதிக் கோட்டிற்கும் இடையில் கடலின் மேற்பரப்பு வெப்பநிலை அதிகரித்தல்.
 வெப்ப நிலை அதிகரிப்பு ஒன்றரை முதல் இரண்டு வருடங்களுக்கு நீடித்தல்
 இவ்வெப்பநிலை அதிகரிப்பு மேற் பரப்பிலிருந்து முப்பது மீட்டர் ஆழம் வரை பரவியிருத்தல்.
 பசிபிக் பெருங்கடலின் மேல் மாறுபட்ட செங்குத்து காற்று சுழற்சி நிலை ஏற்படும் போது

 

 

480. இயல்பான நிலை மற்றும் எல்நினோ நிலையின் வேறுபாடுகள் எவை?
விடை: இயல்பான நிலை: 

 புவியிடைக் கோட்டுக்கு அருகில் பசிபிக் பெருங்கடலில் குளிர் நீரோட்டம் மேலெழும்புவதால் புவியிடைக் கோட்டுப் பசிபிக் பெருங்கடலின் மேற்குப் பகுதி வெப்பம் மிகுந்தும் கிழக்குப் பகுதி குளிர்ந்தும் காணப்படுகிறது.
 காற்றின் சுழற்சியானது பசிபிக் பெருங்கடலின் மேற்குப் பகுதியில் பலமாகக் காணப்படுகிறது. காற்றானது மேற்கு பகுதியில் மேலெழும்பி, குளிர்ந்த கிழக்குப் பகுதியில் கீழே இறங்குகிறது.
 வெப்பமான மேற்குப் பகுதியில் அதிக மழையும், குளிர்ந்த கிழக்குப் பகுதியில் வறண்ட தன்மையும் காணப்படுகிறது.
 இயல்பான வருடங்களில் தென் கிழக்கு ஆசியாவும், கிழக்கு ஆஸ்திரேலியாவும் அதிக மழை பொழிவு பெறுகின்றன.
 தென் அமெரிக்காவின் மேற்கு கடற்கரை வறண்ட வானிலையைக் கொண்டுள்ளது.

 

எல்நினோநிலை
 புவியிடைக் கோட்டுக்கு அருகில் பசிபிக் பெருங்கடலில் வெப்ப நீரானது கிழக்கு நோக்கிப் பரவுவதால், குளிர் நீரோட்ட எழுச்சி ஒடுக்கப்படுகிறது.
 காற்றின் சுழற்சியானது பசிபிக் பெருங்கடலின் கிழக்குப்பகுதியில் பலமாகக் காணப்படுகிறது.
 வெப்பமான கிழக்குப் பசிபிக் பெருங்கடலில் காற்றானது மேல் நோக்கி எழும்புகிறது.
 வெப்பமான கிழக்குப் பகுதியில் அதிக மழையும், குளிர்ந்த மேற்குப் பகுதியில் வறண்ட தன்மையும் காணப்படுகிறது.
 தென் கிழக்கு ஆசியாவும், கிழக்கு ஆஸ்திரேலியாவும் வறண்ட வானிலையைக் கொண்டுள்ளன.
 தென் அமெரிக்காவின் மேற்கு கடற்கரை அதிக மழை பொழிவு பெறுகிறது.

 

 

 

எல்நினோவால் உலக அளவில் ஏற்படும் விளைவுகள்
481. எல்நினோ விளைவுகள் எந்த அளவில் எதிர்கொள்ளப்படுகிறது?

விடை: உலகளவில் எதிர்கொள்ளப்படுகிறது.

 

 

482. எல்நினோ காற்று சுழற்சியினால் ஏற்படும் மாற்றம் எதை பாதிக்கிறது?

விடை: பல நாடுகளின் பொருளாதாரத்தை பாதிக்கிறது.

 

 

483. உலகளாவிய வானிலை தன்மையில் எல்நினோவால் பாதிக்கப்படுபவை?

விடை: உலகளாவிய வானிலை தன்மையில் பெரிய அளவில் ஏற்படும் மாற்றம் சுற்று சூழல் பாதிப்பு, விவசாயம், வெப்பமண்டல சூறாவளி, காட்டுத்தீ, வறட்சி மற்றும், வெள்ளம் தொடர்பான சுகாதாரக் கேடு ஆகியவற்றைப் பாதிக்கிறது.

 

 

484. எல்நினோ நீரோட்டம் எந்த காற்றை பாதிக்கிறது?

விடை: ஜெட் காற்றைப் பாதிக்கிறது.

 

 

485. எல்நினோவால் குளிர் காலத்தில், கலிஃபோர்னியா எப்படி காணப்படுகிறது?

விடை: அதிக மழையாக காணப்படுகிறது.

 

 

486. எல்நினோவால் குளிர் காலத்தில், வட ஐரோப்பா எப்படி காணப்படுகிறது?

விடை: வறண்ட குளிர்காலமாக காணப்படுகிறது.

 

 

487. எல்நினோவால் குளிர் காலத்தில்,தென் ஐரோப்பா எப்படி காணப்படுகிறது?

விடை: மிதமான குளிராக காணப்படுகிறது.

 

 

488. எல்நினோவால் ஜப்பான் கடலில் என்ன உருவாகிறது?

விடை: குறைந்த எண்ணிக்கையில் சூறாவளி உருவாகிறது.

 

 

489. எல்நினோவால் கிழக்கு ஆப்பிரிக்கா எதை பெறுகிறது?

விடை: அதிக மழைப் பொழிவை பெறுகிறது.

 

 

490. எல்நினோவால் தென்கிழக்கு ஆசியா எதை எதிர்கொள்கிறது?

விடை: மிகுந்த வறட்சியையும் காட்டுத்தீயையும் எதிர்கொள்கிறது.

 

 

491. தென் அமெரிக்காவிலுள்ள பெரு எல்நினோவால் பெறுவது?

விடை: அதிக மழைப்பொழிவைப் பெறுகிறது.

 

 

492. கிழக்கு பசிபிக் பெருங்கடலில் வெப்பம் அதிகரிகரிப்பது இந்தியாவில் காணப்படும் எந்த காலநிலையோடு தொடர்புடையதாகும்?

விடை: இயல்பான பருவக்காற்று காலநிலையோடு தொடர்புடையதாகும்.

 

 

493. மத்திய பசிபிக் பெருங்கடலில் வெப்பம் அதிகரிப்பது இந்தியாவில் எந்த காலநிலை உருவாக காரணமாகிறது?

விடை: வறட்சி நிலை உருவாக காரணமாகிறது.

 

 

494. பசிபிக் பெருங்கடலில் தொடர்ந்து மேற்குப் பகுதியை நோக்கி வெப்பம் அதிகரிக்கும் போது இந்திய காலநிலையில் ஏற்படும் மாற்றம்?

விடை: இந்திய பருவக்காற்று முடக்கப்படுகிறது.

 

 

லாநினா
495. லாநினா என்பது?

விடை: எல்நினோவிற்கு எதிர்மறையான நிகழ்வு.

 

 

496. லாநினாவால் வியாபாரக் காற்று வலிமையடையும் போது எந்தப் பெருங்கடலில் குளிர்ந்த நீரோட்டம் எழும்புகிறது?

விடை: கிழக்கு பசிபிக்பெருங்கடலில் குளிர்ந்த நீரோட்டம் எழும்புகிறது.

 

 

497. லாநினாவால் காற்று சுழற்சியானது எந்தப் பகுதியில் மட்டும் வீசுகிறது?

விடை: மேற்கு பசிபிக் பெருங்கடல் பகுதியில் மட்டும் வீசுகிறது.

 

 

498. லாநினாவால் தென்கிழக்கு ஆசியாவில் பதிவாகும் காலநிலை?

விடை: ஈர காலநிலை

 

 

499. லாநினாவால் தென் அமெரிக்காவில் பதிவாகும் காலநிலை?

விடை: வறண்ட நிலை.

 

 

500. தெற்கு அலைவு என்பது?

விடை: கிழக்கு மற்றும் மேற்கு அயனமண்டலப் பசிபிக் பெருங்கடலில் ஏற்படும் காற்றழுத்த வேறுபாட்டினை தெற்கு அலைவு என்கிறோம்.